y0us3f يوسف عبدالرحمن الرشيد
السلام عليكم ورحمة الله وبركاته
هذا البوست حبيت انشر فيه بعض الملاحظات لشركة اكس سايت الغانم، وهذا طبعاً ولا شي.. قطرة من بحر، وفي المجال اللي افهم فيه بس
والحين الحمدلله عندنا اكثر من طريقة لمعرفة اسعار الاجهزة وشرائهم من الكويت ومن برة والشراء من الخارج صار أسهل مع توفّر بطاقات التعبئة في البنوك وكثرة شركات الشحن من الخارج، تختار بينهم اللي يناسبك سعر وجودة وسرعة ومميزات
وان شاء الله مع شراء Amazon لشركة Souq الأماراتية ويكون لأمازون تواجد في الشرق الاوسط، ممكن نشوف منافسة أكبر، وأسعار وخدمات أفضل.
ما اقولك لا تشتري.. لكن تأكد قبل الشراء!
الأسعار!؟ 💸
هالصورة سعر كيبل (واير) HDMI وسعره في امازون بالدولار الامريكي 89.99 ما يعادل 27.5 دينار كويتي تقريباً، والغانم يبيعه بنفس الرقم ولكن غير العملة 89.9 دينار كويتي!
وفي فيديو صورته من فترة ونشرته في تويتر تلاعب واضح بالاسعار وعقول الناس! يحط لك سعر الجهاز قبل العرض (سعر أغلى من السعر الأصلي) وبعد العرض علشان تحس بأن الفرق كبير وتشتري
وفي المثال اللي في الفيديو حاط لك سعر الجهاز قبل العرض 68.750 د.ك وبعد العرض 28.900 د.ك ، والمشكلة تحت الورقة ، السعر الأصلي نسوا يشيلونه الظاهر وكان 55 د.ك مو نفس ماذكروا 68.750 د.ك
محامينا.. شوف حركة اكس سايت ومن زمان يسوونها@SulimanAlsaeed pic.twitter.com/PSEMEuKmlF
— يوسف ع. الرشيد (@y0us3f) December 19, 2015
طبعاً الأسعار أسعار الأجهزة أول ماتنزل بأسعار خيالية! ممكن توصل الى 3 اضعاف السعر!
جهاز Nvidia Shield سعره $200 دولار = 60 د.ك ، وفي XCite دبل السعر وزيادة شوي 137 د.ك
تلاعب واضح في مراجعات الأجهزة في موقعهم الالكتروني!!!! ✍👥
والهدف من التلاعب بالـUser reviews يبيّن لك بأن الجهاز مرغوب وتقييم الجهاز عالي علشان تتشجع وتشتريه! لكن المصيبة أن المراجعات والتقييم أغلبه اذا مو كله وهمي!
وهذه صور دليل على كلامي قمت بتصويرها بنفسي من موقعهم الالكتروني لجهاز iPhone 7 Product Red Edition بعد ما نزل بجم يوم
في مسابقاتهم! 😳😳😳
فيديو لمسابقة من مسابقاتهم وكانت الجائزة اذا طلع لك رقم 20 تربح 50 دينار وهي أفضل جاهزة.. ومستحيل يطلع لك 20
